Zëvendëskryetari i Lëvizjes socialiste për Integrim, e ka cilësuar turp heshtjen e Aleancës së Grave Deputete, përballë ngjarjes së rëndë ku një vajzë jetimi u dhunua dhe u përdhunua nga djali i deputetit Rrahman Rrahja.
Me anë të një postimi në Facebook, Rama shkruan se Aleanca e Grave Deputete duhet të ishin mbledhur dhe reaguar menjëherë përballë këtij skandali, por ato kanë preferuar të heshtin.
Ja çfarë shkruan Rama:
Një vajzë e dhunuar dhe Aleanca e Grave Deputete, si shëmti e Kuvendit ku edhe unë jam deputet!
Në Kuvendin e Shqipërisë ekziston edhe një forum; Aleanca e Grave Deputete.
Do të duhej të ishte mbledhur menjëherë sapo u mësua se Xhisiela Maloku është dhunuar, por nuk është mbledhur!
Do të duhej që të mblidhej e të tundte Kuvendin e Qeverinë, gjykatat e prokurorinë, po nuk e ka bërë!
Do të duhej t’i gjendej në krah e ta merrte në mbrojtje Xhisielën e dhunuar, por e ka lënë atë të braktisur e të vetme përballë opinionit e pushtetit!
Do të duhej të iniconte një aksion qytetar në të gjithë vendin kundër dhunës e barbarisë ndaj grave, por Aleanca e Grave Deputete hesht si shëmtia e Kuvendit ku edhe unë jam deputet!
Sa turp!