Basha: Dyfishohet numri i bizneseve të mbyllura - Bota Sot
Basha: Dyfishohet numri i bizneseve të mbyllura

Shqipëria

E diel, 21 tetor 2018

Basha: Dyfishohet numri i bizneseve të mbyllura

Më: 6 tetor 2018 Në ora: 10:05
Lulzim Basha

Kreu i Partisë Demokratike, Lulzim Basha ka zgjedhur rrjetin social Facebook për të vënë në dukje gjendjen e vështirë që po kalojnë bizneset, përmes publikimit të një videomontazhi.

Sipas asaj që shkruan kryeopozitari, gjithçka ndodh për shkak se vëmendja e Edi Ramës është te krimi dhe oligarkët.

“Me Edi Ramën në qeveri, krimi dhe oligarkët pasurohen, biznesi i zakonshëm po falimenton”, thuhet në videomesazh.

Sipas shifrave të pasqyruara në video, vetëm në shtator janë mbyllur 1.978 biznese, nga 838 që u mbyllën një vit më parë.

“Me Edi Ramën në qeveri, çdo vit është më keq për shumicën e bizneseve”, thuhet më tej në videon që ilustron me grafikë edhe periudhat 9-mujore 2017-2018.

Krahasimi me vitin e kaluar tregon, sipas kreut të PD-së, se falimentimi i bizneseve është gati dyfishuar.

Nga 6.969 biznese të mbyllura në periudhën gusht-shtator 2017, për 9 muaj të këtij viti rezultojnë të mbyllura 11.292 biznese. Kreu i opozitës jep mesazhin se, sa më gjatë të qeverisë Edi Rama, aq më shumë biznese do të mbyllen.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test