Ju sportistët e mëdhenj, boll keni heshtur! Boll iu kanë grahë disa që nuk e kanë as idenë e sportit.
Ju emrat e mëdhenj të sportit, boll i keni shti veshët në lesh, është koha të dilni nga leshi e të flisni hapur!
Burra, këtu është shtet! Kosova ka sport, ka traditë dhe askush nuk mundet për interesat e veta ta varros sportin që u ndërtua me mund dhe u derdh gjak për të dhe sot mos ta ngrisim as zërin se çfarë të bëjmë.
Sot jemi në fund të muajit gusht, burra nuk e dimë se çfarë po ndodhë me fatin e sportisteve dhe të sportistëve tanë, me sportin në përgjithësi, po e fillojmë apo po e varrosim! Ju emrat e mëdhenj, nuk keni se çfarë të frikoheni, zgjoheni në këtë kohë dhe kërkoni si të bëjmë zgjidhje, ta shpëtojmë sportin nga më e keqja.
Mehmet Bogujevci, po të drejtohem si emër i madh, si sportist i merituar, si burrë i fortë, e dij që nuk je patericë e askujt, si ish nënkampion i botës në vitin 1978, fol burrë, si të gjejmë zgjidhje në sport.
Burrë, kërko që të formohet Këshillin Kombëtar për shpëtimin e Sportit! Të takon burrë ta rrahësh tavolinën, se je emër i madh i sportit së bashku me të gjithë emrat tjerë! Sepse, duket se ata që janë të thirrur për këtë punë, kanë punë më të mëdha!
