Nga komplikimet e korona virusit, ndërron jetë kirurgu nga Struga Vlladimir Koçoski

Struga

Nga komplikimet e korona virusit, ndërron jetë kirurgu nga Struga Vlladimir Koçoski

Më: 1 dhjetor 2020 Në ora: 21:48
Vlladimir Koçoski

Kirurgu nga Struga, Vlladimir Koçoski ndërron jetë në klinikat e Shkupit nga komplikimet e shkaktuara nga Covid-19.

Informacionin për MIA-n e konfirmoi drejtori i Spitalit të Përgjithshëm në Strugë, Muhamed Asani, i cili shprehu keqardhje për humbjen e madhe të kolegut dhe profesionistit të madh.

“Doktor Koçoski nga Covid-19 u mjekua në Spitalin e Strugës, pastaj u transportua në Klinikën Infektive në Shkup, ku u mjekua për gati tre javë. “Pasi mori test negativ të korona virusit, gjendja e tij u përkeqësua dhe ai vdiq nga ndërlikimet e shkaktuara nga virusi,” deklaroi Asani.

Koçoski është viktima e parë e Covid-19 nga personeli mjekësor në Spitalin e Strugës, ndërsa dje nga mjekimi nga Klinikat e Shkupit u kthye doktor Zoran Kostojçinoski dermatolog në spital.

Në Spitalin e Përgjithshëm në Strugë, siç informoi drejtori, për momentin rreth 20 persona të personelit mjekësor janë pozitivë për Covid-19.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat