Pas skandalit të gruas lehonë, shkarkohet drejtori i spitalit të Strugës

Struga

Pas skandalit të gruas lehonë, shkarkohet drejtori i spitalit të Strugës

Më: 17 mars 2021 Në ora: 17:32
Venko Filipçe

Ministri i Shëndetësisë, Venko Filipçe, njoftoi sot se ka sjellë vendim për shkarkimin e drejtorit të Spitalit të Strugës, Muhamed Asani, pas skandalit të ri që shpërthueu në opinion me gruan jehonë të cilës i janë hequr tre organe. Filipçe tha se gjithashtu është formuar edhe një komision i ri që do të hetojë të gjithë situatën, ndërsa ky do të jetë komisioni i dytë ku do të bëjnë pjesë drejtorët e klinikave për Urologji, Gjinekologjisë, KARILL dhe drejtoresha e Inspektoriatit shtetëror shëndetësor.

“Dje solla vendim për formimine komisionit të ri. Është mundësi ligjore që ka ministria e shëndetësisë, komisioni I parë u formua me kërkesë të ministrisë përmes odës së mjekëve. Por pas disa kërkesave që kishte familja e gruas, disa institucioneve si Komisioni I Hellsingut, solla vendim për formimin e një komisioni të ri që do të duhet të bëjnë analizë të rastit. Është sjellë vendim për shkarkimin e drejtorit dhe do të emërohet drejtor i ri sot, ose gjatë ditës së nesërme. Kuptohet se në rrjedhë janë të gjitha procedurat e tjera për aktivitetet e institucioneve të tjera që janë kyçur në këtë rast”

Rastin me Asanin e denoncoi një paciente nga Dibra, e cila gjatë lindjes me prerje cezariane që e ka kryer Asani në Spitalin e Strugës, ka mbetur pa mitër, vezore dhe veshkë, ndërsa mjeku gjithë shtatëzëninë e ka ndjekur në ordinancën ilegale në shtëpi. Pacientja pretendon se i janë nxjerë organe të shëndosha, duke u thirur në raportin e Institutit të Patologjisë.

Ajo thotë se dr.Muhamed Asani i ka dërguar veshkën dhe mitrën për analizë në Patologji, pa u pyetur paraprakisht ajo dhe bashkëshorti i saj. Për punën e doktor Asanit ka filluar procedurë edhe në Prokurorinë e Strugës, pasi Inspektoriati Shtetëror Shëndetësor dhe Inspektoriati Sanitar, kanë ngritur denoncim penal për ordinancën ilegale që e ka pasur në shtëpinë e tij. Paraprakisht, Platforma për barazi gjinore kërkoi hetim të detajuar dhe përgjegjësi për këtë rast, pasi siç shprehen ata, dëshmia e pacientes nga Dibra flet për moskujdes dhe mosveprimt ë shtetit dhe institucioneve shëndetësore gjatë shkeljes së rëndë të të drejtave njerëzore dhe ligjeve të shtetit.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat