Samsung tha ditën e sotme se funksioni për matjen e presionit të gjakut dhe elektro-kardiogramës (EKG) në Galaxy Watch 3 dhe Galaxy watch Active 2 do të jetë i disponueshëm në 31 vende të reja.
Të dy orët inteligjente kanë harduerin e nevojshëm për të ofruar këtë funksionalitet. Ato mund të aksesohen përmes aplikacionit Samsung Health Monitor i cili tashmë është më gjerësisht i disponueshëm.
Aplikacioni mori certifikimin CE në Dhjetor të 2020 për të zgjeruar shërbimin në 28 vende Evropiane. Është një shenjë administrative që konfirmon se produkti përmbush të gjitha kriteret e sigurisë, shëndetit dhe ambientit.
Vendet që do të përfitojnë nga opsioni i ri janë Austria, Belgjika, Kroacia, Republika Çeke, Danimarka, Estonia, Finlanda, Franca, Gjermania, Greqia, Hungaria, Islanda, Irlanda, Italia, Letonia, Lituania, Holanda, Norvegjia, Polonia, Portugalia, Rumania, Sllovakia, Sllovenia, Spanja, Suedia, Zvicra dhe Britania e Madhe.
