Pothuajse 90 për qind e kompanive gjermane janë vënë në shënjestër të sulmeve kibernetike në muajt e fundit, njoftoi sot shoqata e informacionit dhe telekomunikacionit Bitkom.
Bitkom theksoi një rritje të rasteve gjatë këtij viti dhe atij të fundit, në të cilat sistemet e informacionit dhe prodhimit u paralizuan nga grabitësit që kërkonin pagesa për të hequr bllokimet.
“Vjedhjet e të dhënave, spiunazhi dhe sabotimi kanë goditur pothuajse nëntë nga 10 kompani gjatë kësaj periudhe”, tha Bitkom.
Dëmi i shkaktuar ishte rreth 220 miliardë euro (260 miliardë dollarë) në vit, më shumë se dyfishi i regjistruar në vitet 2018 dhe 2019, kur u vlerësua në 103 miliardë euro në vit.
Menaxherët e anketuar në studim raportuan incidente të sigurisë në 59 për qind të kompanive, ku puna nga shtëpia ka qenë një opsion që nga fillimi i pandemisë së COVID-19.
Rreth nëntë për qind e kompanive të anketuara thanë se ekzistenca e tyre ishte kërcënuar nga sulmet kibernetike.
Dëmi i shkaktuar nga krimi i organizuar po vazhdon të rritet dhe është 29 për qind e të gjitha sulmeve.
