Një raport në Shtetet e Bashkuara të Amerikës, ka nxjerrë në pah se përdorimi i Facebook e ka bërë shoqërinë më të keqe.
Kjo gjë besohet nga rreth tre të katërtat e amerikanëve, ose rreth 76%.
Këtë e ka zbuluar një sondazh i ri i CNN, sipas të cilit vetëm 11% mendojnë se e ka përmirësuar.
Edhe përdoruesit e shpeshtë të rrjetit social të Mark Zuckerberg – ata që raportojnë se e përdorin faqen të paktën disa herë në javë – 70% janë të bindur se Facebook dëmton shoqërinë amerikane (14% besojnë se i ndihmon ata).
Dhe në përgjithësi, 49% thanë se njohin personalisht dikë, që u bind të besonte në një teori konspirative, për shkak të përmbajtjes që ata panë në rrjetet sociale. Kjo përqindje e fundit rritet në 61% tek të rinjtë nën moshën 35 vjeç.
