Google lidh një marrëveshje pesëvjeçare për të paguar AFP-në për ripërdorimin e përmbajtjes gazetareske

Teknologji

Google lidh një marrëveshje pesëvjeçare për të paguar AFP-në për ripërdorimin e përmbajtjes gazetareske

Më: 18 nëntor 2021 Në ora: 20:13
Foto ilustrim

Google ka lidhur një marrëveshje pesëvjeçare me Agence France-Presse që do të bëjë që gjiganti i teknologjisë të paguajë për të ripërdorur përmbajtjen gazetareske në atë që thuhet se është një nga marrëveshjet më të mëdha të këtij lloji, raporton EURACTIV France.

Sipas mediumit në fjalë, marrëveshja vjen pas 18 muaj negociatash mes dy palëve mes ankesave nga media se kompanitë e teknologjisë përdorin lajmet në rezultatet e kërkimit pa pagesë, duke ulur kështu të ardhurat nga reklamat.

“Kjo marrëveshje është një njohje e vlerës së informacionit”, ka thënë CEO i AFP, Fabrice Fries në një deklaratë të përbashkët.

Ligji i Francës, që rrjedh nga një direktivë e BE-së, zhvilloi “të drejtat” që i shohin firmat e mëdha të teknologjisë të hyjnë në negociata me botuesit e lajmeve mbi të drejtat e licencimit.

Marrëveshja do të mbulojë përmbajtjen e AFP-ve në të gjithë BE-në për pesë vitet e ardhshme.

“Kjo marrëveshje me Agence France-Presse tregon dëshirën tonë për të gjetur gjuhën e përbashkët me botuesit dhe agjencitë e lajmeve në Francë”, ka thënë Sébastien Missoffe, Drejtor Menaxhues i Google France.

Google dhe AFP thanë gjithashtu se planifikojnë të nisin një projekt për kontrollimin e fakteve dhe dezinformimit. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat