Apple së shpejti prezanton pajisjen për zgjerimin e realitetit virtual

Teknologji

Apple së shpejti prezanton pajisjen për zgjerimin e realitetit virtual

Më: 23 maj 2022 Në ora: 14:52
Foto ilustrim

Bordi drejtues i kompanisë amerikane Apple, ka paralajmëruar më herët versionin e pajisjes më të re – që kompania e ka zhvilluar prej disa vitesh.

Derisa në kohën e Steve Jobs rreth Apple ka mbretëruar një atmosferë heshtje dhe rrjedhja e informacione për produktet e ardhshme ishin të rralla, ndërsa tani situata është më ndryshe.

Jo vetëm që sot e “dimë” sesia do të duket dhe çfarë opsionesh do të ketë iPhone i ri që do të prezantohet në shtator, por edhe dihen planet për iPhone 15 dhe në përgjithësi iPhone.

Gjithashtu janë mësuar edhe prodhimi më i ri që kompania është duke e zhvilluar – dhe që mund të ketë rëndësi të madhe për të ardhmen e Apple.

Fjala është për syzet e mençura – përkatësisht “headset” pajisjen me përkrahjen e AR dhe VR, si dhe veturën elektrike. Informacionet e reja sugjerojnë që Apple nuk është larg prezantimit të pajisjes AR/VR.

Vetë prezantimi i një pajisje të tillë tek bordi drejtues, sipas analistëve nënkuptohet se po afrohen ditët e prezantimit zyrtar. Konferenca e ardhshme e Apple pritet të mbahet kah mesi i muajit të ardhshëm (WWDC), dhe ndoshta atëherë do të mësojmë disa detaje për Apple Glasses apo si do të quhet zyrtarisht pajisja.

Pajisja e prezantuar bordi ka tre ekrane me rezolucion të madh, ka një numër të sensorëve që do të përcjellin ambientin dhe lëvizje dhe do të bazohet në procesorin M1. Kur bëhet fjalë për çmime, asgjë deri më tani nuk dihet. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat