Një qendër e bowling në Florida ‘punëson’ robotë për shërbim të klientëve

Teknologji

Një qendër e bowling në Florida ‘punëson’ robotë për shërbim të klientëve

Më: 27 qershor 2022 Në ora: 22:13
Foto ilustrim

Robotët “kanë” marr në kontroll një qendër të bowlingut në Clearwater të Floridas, të paktën zonën e ushqimit të qendrës së “Bowling Maples Lanes Countryside”.

Roboti Bella po merr vëmendjen e vizitorëve të cilët ajo i shërben në mënyrë kreative. Bella është një robot shërbyes, i cili është dizajnuar për shërbim të ushqimit për vizitorët e qendrës dhe për t’u kënduar atyre.

“Sapo e kemi marrë Bellan. Ajo është fantastike. Është një robot që shërben ushqimin dhe që gjithashtu u jap vizitorëve një eksperiencë të mirë përderisa ata e vizitojnë këtë qendër, të cilëve edhe u a uron ditëlindjen duke kënduar. Thjesht ajo është fantastike”, tha për Fox 13 Megan Briody, menaxhere kryesore e kësaj qendre bowlingu.

Fëmijët janë ata të cilëve veçanërisht u pëlqen ndërveprimi me BellaBot, teksa prindërit e tyre shiheshin duke i nxjerrë telefonat për të bërë fotografi dhe video.

“Më pëlqen roboti për shkak se tani punëtorëve nuk u nevojitet që të shërbejnë picat”, tha Bailee Estep, një fëmijë të cilit i pëlqen ndërveprimi me BellaBot-in.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat