Tifozët e FIFA Mobile të cilët preferojnë të menaxhojnë një ekip të tërë në vend që të kontrollojnë lojtarët, tani kanë një shans për ta bërë këtë.
EA ka prezantuar një modalitet të ri të menaxherit, një modalitet menaxheri i disponueshëm në versionet Android dhe iOS të FIFA Mobile.
Ky mod është i përqendruar në strategji dhe taktika sesa në veprim. Lojtari zgjedh formacionin fillestar, përcakton taktikat në kohë reale (gjatë sulmit ose kundërsulmit) dhe lejon ekipin e tij të luajë lojën.
Përditësimi i ri sjell përmirësime të portierëve, shton opsionet e ndërrimit të lojtarëve dhe ofron pajisje për 30 ekipe kombëtare dhe tashmë është në dispozicion të lojtarëve.
Duhet thënë se FIFA Mobile nuk është kthyer në një simulim si Football Manager, nuk ka skauting lojtarësh të talentuar, as krijimin e programeve stërvitore dhe “luftë” me drejtuesit e ekipit.
Kjo është më shumë një ekuivalent futbolli i lojërave si Auto Chess ose Teamfight Tactic dhe është një përvojë pak më e relaksuar që shpërblen monitorimin dhe reagimin në vend të reflekseve të shpejta.
