Facebook dhe TikTok kanë dështuar në bllokimin e reklamave me dezinformata “flagrante” në lidhje me atë se si dhe kur të votoni në zgjedhjet Kongresit amerikan që do të mbahen në nëntor si dhe për integritetin e procesit të votimit, sipas një raporti të ri nga mbikëqyrësi i të drejtave të njeriut Global Witness dhe Ekipi i Cybersecurity for Democracy, (C4D) në Universitetin e Nju Jorkut.
Në një eksperiment, studiuesit dërguan 20 reklama me pretendime të pasakta në Facebook, TikTok dhe YouTube. Reklamat ishin në shënjestër “të shteteve të fushëbetejës” si Arizona dhe Gjeorgjia.
Ndërsa YouTube ishte në gjendje të zbulonte dhe refuzonte çdo paraqitje testimi dhe të pezullonte kanalin e përdorur për t’i postuar ato, dhe sipas raportit dy platformat e tjera dolën dukshëm më keq, raporton CNN.
TikTok i aprovoi 90 për qind të reklamave që përmbanin informacione haptazi të rreme ose flagrante, zbuluan studiuesit në fjalë, përderisa sipas këtij raporti, Facebook, kishte aprovuar “një shifër të konsiderushme”, edhe pse ishte shifër dukshëm më e ulët e ajo e TikTok.
Reklamat, të paraqitura në gjuhët angleze dhe spanjolle, përmbanin informacione që deklaronin se ditët e votimit do të zgjateshin dhe se llogaritë e mediave sociale mund të dyfishoheshin si një mjet për verifikimin e votuesve
Këto reklama përmbanin gjithashtu pretendime të krijuara për të dekurajuar pjesëmarrjen e votuesve, pretendime të tilla ku thuhej se rezultatet e zgjedhjeve mund të hakoheshin ose se rezultati ishte i paravendosur.
