Mark Zuckerberg do të jap dorëheqje në 2023? Reagon me shpejtësi META dhe zbardh të vërtetën

Teknologji

Mark Zuckerberg do të jap dorëheqje në 2023? Reagon me shpejtësi META dhe zbardh të vërtetën

Më: 23 nëntor 2022 Në ora: 09:18
Mark Zuckerberg

Meta ka bërë të ditur përmes zëdhënësit se Mark Zuckerberg nuk do të largohet nga posti i CEO në vitin 2023, duke i dhënë fund thashethemeve që qarkullojnë kohët e fundit.

Në veçanti, Andy Stone mohoi fjalët se themeluesi i Facebook po përgatitej të largohej nga posti i tij. Vihet re se thashethemet erdhën në një kohë kur Facebook shkarkoi mijëra punonjës, konkretisht 11,000 punëtorë.

“Sot po shpall disa nga ndryshimet më të vështira në historinë e Meta. Kam vendosur të zvogëloj madhësinë e ekipit tonë me 13% dhe të pushoj nga puna më shumë se 11,000 punonjësit tanë të talentuar”, tha Zuckerberg në letrën e tij drejtuar punonjësve të Facebook.

Duhet theksuar se Meta kishte rreth 87 mijë punonjës në fund të shtatorit. “Ky është një moment i trishtuar dhe nuk ka rrugë tjetër. Ata që po pushohen nga puna, dua t’ju falënderoj për gjithçka që keni bërë për këtë kompani”, shtoi Zuckerberg në letrën e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat