Musk mund ta krijojë brendin e tij të telefonave nëse Apple dhe Google e fshijnë Twitterin nga dyqanet App Store dhe Play Store

Teknologji

Musk mund ta krijojë brendin e tij të telefonave nëse Apple dhe Google e fshijnë Twitterin nga dyqanet App Store dhe Play Store

Më: 27 nëntor 2022 Në ora: 08:30
Foto ilustrim

Miliarderi Elon Musk, për herë të parë, ka adresuar pyetjen nëse do të bëjë apo jo markën e tij të telefonave të mençur, për të rivalizuar Apple dhe Android mes spekulimeve të gjata se ka zhvillime rreth një “Tesla Pi” – ose një “tELONphone”.

Duke iu përgjigjur një postimi në Twitter, Musk tha: “Sigurisht që shpresoj që të mos vije puna deri këtu (duke prodhuar telefonin e tij), por, po, nëse nuk ka zgjidhje tjetër, unë do të bëj një telefon alternativ”.

Ai po i përgjigjej Liz Wheeler, prezantueses së video podcasts-ëve të The Liz Wheeler Show, e cila spekuloi: “Nëse Apple dhe Google e largojnë Twitterin nga ‘app store’ dhe ‘play store’, @elonmusk duhet të prodhojë telefonin e tij inteligjent. Gjysma e vendit me kënaqësi do të hiqte dorë nga iPhone-i i njëanshëm dhe përgjues e edhe nga telefonat Android. Ai ndërton raketa për në Mars, një telefon i mençur dhe i vogël duhet të jetë i lehtë, apo jo?, raporton Gulf-news.

Wheeler më pas bëri një sondazh në Twitter, duke pyetur njerëzit nëse do të kalonin në telefonin që mund ta prodhojë Elon Musk, (tELONphone)  i cili ka mbledhur më shumë se 109,347 vota deri më tani.

Në gusht, Musk njoftoi se Starlink i SpaceX, një rrjet satelitësh në orbitën e ulët të tokës që tani mbulon një pjesë të madhe të globit, ka nënshkruar një marrëveshje për celularë me kompaninë amerikane T-Mobile. Musk dhe drejtori ekzekutiv i T-Mobile, Mike Sievert njoftuan partneritetin e drejtpërdrejtë të “telefonave me satelitë” nga Starbase e SpaceX në Boca Chica, Teksas.

Shumica e telefonave celularë nuk përdorin satelitë, pasi ata mbështeten në kullat celulare për sinjal. Telefonat satelitorë, nga ana tjetër, nuk kufizohen në gamën e shkurtër të rrjeteve celulare dhe ofrojnë telekomunikacion global, teorikisht kudo.

Në shtator, Musk tha se është rrugës lidhja e shërbimit Starlink me telefonat iPhone. Lajmi doli pasi Apple tha se do të bashkëpunonte me Globalstar Inc. për shërbime të bazuara në satelit në versionin e ardhshëm të iPhone-it të saj ultra-popullor. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat