Tre të katërtat e popullatës në botë ka telefon mobil

Teknologji

Tre të katërtat e popullatës në botë ka telefon mobil

Më: 1 dhjetor 2022 Në ora: 00:35
Foto ilustrim

Pothuajse tre të katërtat e personave mbi dhjetë vjeç në botë, kanë telefon mobil përmes të cilit kanë qasje në internet, por pothuajse një e treta nuk kanë qasje në të, njoftoi sot agjencia e Kombeve të Bashkuara.

“Telefonat mobilë janë mënyra më e zakonshme për të pasur qasje në internet, kështu që përqindja e njerëzve që zotërojnë një të tillë shërben si tregues për disponueshmërinë e tij”, shkruan Unioni Ndërkombëtar i Telekomunikacionit (UIT) në raportin e tij vjetor.

Megjithatë, jo të gjithë pronarët e telefonave mobilë kanë qasje në rrjet, veçanërisht në vendet me të ardhura të ulëta ku interneti me rrjet të gjerë shpesh është shumë i shtrenjtë.

Sipas të dhënave të UIT, 95 për qind e njerëzve në vendet e pasura kanë një telefon mobil, ndërsa 49 për qind në vendet më të varfra e kanë atë.

Qasja në internet po zgjerohet, por jo aq shpejt, pas një rritjeje gjatë pandemisë Covid-19 dhe kufizimeve, që detyruan qindra miliona njerëz të punojnë ose të studiojnë në online.

Është vlerësuar se 5.3 miliardë njerëz, ose 66 për qind e popullsisë së botës, përdorin internetin sot. Pothuajse të gjithë ata që nuk janë të lidhur janë në vendet më të varfra.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat