WhatsApp teston veçorinë interesante për video-thirrjet

Teknologji

WhatsApp teston veçorinë interesante për video-thirrjet

Më: 7 dhjetor 2022 Në ora: 16:35
WhatsApp

WhatsApp tashmë ju lejon të shikoni një video në YouTube në modalitetin Picture-in-Picture dhe ky funksionalitet mund të jetë i disponueshëm për video-thirrjet në platformë.

Aplikacioni i mesazheve në pronësi të Meta-s po teston shtimin e këtij modaliteti (PiP) për aplikacionin e tij iOS.

WABetaInfo, i njohur për mbajtjen e një gjurmimi të veçorive të WhatsApp ka bërë të ditur se modaliteti PiP për video thirrjet është duke u testuar si pjesë e WhatsApp për versionin beta të iOS 22.24.0.79. Nuk ka detaje nëse po ndodh e njëjta për Android.

Me këtë, ju do të jeni në gjendje të bisedoni me njerëzit në video-thirrje WhatsApp dhe të njëjtën kohë të shikoni aplikacione të tjera, njësoj siç mund të bëni kur shikoni video në YouTube në modalitetin PiP.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat