Donald Trump është rikthyer në rrjetin social Facebook, pasi iu bllokua në vazhdën e trazirave vdekjeprurëse të Kapitolit më shumë se dy vjet më parë.
Ish-presidenti amerikan shkroi “u ktheva!” në një postim në faqen e tij zyrtare të premten.
Postimi përfshinte gjithashtu një video të vjetër të politikanit të Partisë Republikane në një tubim duke thënë: “Më falni që ju mbaj në pritje, punë e komplikuar”.
Ai postoi të njëjtin klip në YouTube, i cili njoftoi të premten se edhe ai po e mirëpret atë.
Kjo vjen pasi u njoftua se Trump do të mbajë tubimin e parë në fushatën e tij për të kandiduar për President të SHBA në 2024.
Ai do të mbajë ngjarjen më 25 mars në Waco, Teksas – një shtet ku ai ka një numër të madh ndjekësish – ndërsa përgatitet të luftojë për t’u nominuar nga Partia Republikane.
Llogaritë e Trump në Facebook dhe Instagram u rivendosën në shkurt nga Meta, kompania që qëndron pas dy faqeve të mediave sociale.
Megjithatë, ai nuk kishte postuar deri më tani, përkundrazi vazhdoi të përdorte faqen e tij, shumë më të vogël, të mediave sociale, Truth Social, të cilën e krijoi si përgjigje ndaj ndalimit të tij.
Llogaritë e tij në Facebook dhe Instagram u pezulluan më 7 janar 2021 pas trazirave të Kapitolit, ku shpërtheu një kryengritje në Uashington DC gjatë së cilës qindra mbështetës të tij sulmuan legjislaturën amerikane.
