Reddit njoftoi disa ndryshime në preferencat e përdoruesve ku më i dukshëm është fakti se përdoruesit nuk mund të vendosin më nëse duan të shohin reklama të personalizuara bazuar në aktivitetin e tyre ose jo.
Platforma njoftoi përdoruesit përmes një mesazhi privat rreth përditësimi që pritet të hyjë në fuqi në ditët në vijim. Edhe pse po humbasin kontrollin mbi reklamat e personalizuara, ata ende do të mund të kufizojnë nga shfaqja disa lloje reklamash.
Ato janë reklama me përmbajtje të ndjeshme si alkooli, kumari, shtatzënia, prindërimi apo humbja e peshës.
Krahas ndryshimit të preferencave rreth reklamave, Reddit ka përditësuar konfigurimin e vendndodhjes duke shtuar disa përshkrime të privatësisë për të ofruar qartësi.
Reddit tha se shumica e përdoruesve nuk do të shohin ndonjë ndryshim në reklamat që u shfaqen.
