Tavë turke

Ushqime

Tavë turke

Më: 10 tetor 2021 Në ora: 14:12
Foto ilustrim

E quaj këtë tavë turke pasi kështu i ngeli emri që me gjyshen time kur ajo e gatuante. Këtë tavë gjyshja ime e mësoi në Turqi dhe kur na e bënte në Shqipëri ne nuk dinim si ta quanim kur Ia kërkonim të na e gatuante dhe i thonim “ Na gatuaj tavë turke “. Aroma që e lëshon gjatë pjekjes është fantastike.

Përbërësit:

5-6 kokrra patate të mëdha ⠀
6 qofte ⠀
3 speca jeshilë
3 domate ⠀
2 thelpinj hudhër ⠀
vaj ulliri⠀
rigon ⠀
kripë⠀
piper ⠀
majdanoz ⠀

Përgatitja:

Patatet, specat dhe domatet i lajmë, i pastrojmë dhe i presim të gjitha ne formë për së gjati dhe të holla. Brumin e qofteve unë e bëj gjithmonë në darkë dhe e lë gjithë natën në frigorifer sepse koha i ndihmon erëzat të lidhen më mirë me njera-tjetrën.

Por nëse nuk keni patur kohë mund ta gatuani dhe me qofte të blera në dyqan. I vendosim perimet në tavë, shtojmë të gjitha erëzat e përmenduara më sipër dhe sipër vendosim qoftet. Nëse e shihni që gjatë pjekjes në furrë qoftet po bëhen më shpejt i vendosni mes patateve dhe nga fundi i nxirrni në sipërfaqe. Pjekja në 200 C. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat