Pulë me qull dhe arra

Ushqime

Pulë me qull dhe arra

Më: 21 nëntor 2021 Në ora: 14:56
Foto ilustrim

Në shumë zona të Shqipërisë njihet si pulë me qull dhe arra, e në shumë të tjera si pulë me çervish. Megjithatë tradita mbetet e njëjtë, e po ashtu edhe shija unike e kësaj recete.

PËRBËRËSIT: 

600 g mish pule, 60 g gjalpë, 150 g arra, 4 lugë gjelle miell, 4-5 thelpinj hudhër,  nenexhik, kripë dhe piper.

PËRGATITJA: 

Pulën e pastrojmë, e lajmë dhe e presim në thela. Thelat i hedhim në një enë me ujë të valuar të cilën e kemi vënë në zjarr më parë. Pulën e ziejmë në zjarr të avashtë duke i shtuar edhe kripën. Pasi zien pula, në një enë hedhim gjalpin dhe kaurdisim miellin sa të marri një ngjyrë të verdhë. Më pas shtojmë nga lëngu i pulës pjesë-pjesë dhe e trazojmë që mielli të mos na bëhet kokrriza. Lëngun e lëmë në zjarr të ngadaltë duke e trazuar për gati 5-6 minuta. Shtojmë arrat, hudhrat, nenexhikun, thelat e mishit i trazojmë dhe i heqim nga zjarri. Më pas e shërbejmë. JU BËFTË MIRË!/

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat