Kek me çokollatë për 30 minuta, edhe fillestarët mund ta përgatitin

Ushqime

Kek me çokollatë për 30 minuta, edhe fillestarët mund ta përgatitin

Më: 23 korrik 2022 Në ora: 20:16
Ilustrim

Ky kek me çokollatë është aq i thjeshtë sa edhe një fillestar në kuzhinë mund ta përgatisë dhe ka një shije shumë të lehtë. Ai përgatitet shumë shpejt, është gati në vetëm 30 minuta!

8-10 copa

Koha: 30 min

Përbërësit:

225 g gjalpë, i zbutur

225 g sheqer

200 g miell, i situr

25 g pluhur kakao, i situr

1 lugë çaji pluhur pjekës

1 lugë çaji ekstrakt vaniljeje

4 vezë, të rrahura

2 lugë gjelle qumësht

Për mbushjen:

200 ml krem djathi  

2 lugë gjelle sheqer pluhur, i situr

2 lugë gjelle kakao, i situr

Pluhur kakao dhe lule sheqeri, për ta servirur

Do të duhen:

2  tava pjekëse me diametër 20 cm, të lyera me vaj dhe të shtruara me letër kuzhine  

Përgatitja

Ndiz furrën në 190 gradë C. Vendosi të gjithë përbërësit në një enë të madhe dhe përzieji deri sa të bashkohen. Ndaji mes dy tavave dhe piqi në qendër të furrës për afërsisht 20 minuta, derisa të bëhet elastik në të prekur. Lëri të ftohen për 5 minuta në teneqetë e tyre dhe pastaj ktheji përmbys mbi një skarë hekuri.

Për mbushjen, rrih lehtë kremin me sheqerin dhe pastaj shto duke e përzier kakaon. Vendosi në mes të dy shtresave të kekut dhe sipër hidhi pluhur kakao dhe disa lule sheqeri.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat