Vlorë, policia i vjen në ndihmë turistit italian që kishte nevojë për ndihmë mjekësore - Bota Sot
Vlorë, policia i vjen në ndihmë turistit italian që kishte nevojë për ndihmë mjekësore

Vlora

Vlorë, policia i vjen në ndihmë turistit italian që kishte nevojë për ndihmë mjekësore

Më: 4 gusht 2019 Në ora: 19:50
Foto

Policia Kufitare e Vlorës dhe forcat "Delta" i vijnë në ndihmë në zonën e Karaburunit një turisti italian i cili kishte nevojë për ndihmë mjekësore. Falë transportimit të shpejtë  për në spital, me mjetin lundrues të forcave "Delta", turisti italian është jashtë rrezikut për jetën.

"Mesditën e sotme salla operative e Drejtorisë Vendore për Kufirin dhe Migracionin Vlorë, është njoftuar me telefon nga kapiteni i një anijeje  turistike që ndodhej në zonën e Karaburunit në Shënvasil, se  kishte nevojë për ndihmë mjekësore për një turist italian që ndodhej në anije, i cili duhej transportuar për në spital në një kohë sa më të shpejtë" njofton policia.

Menjëherë në ndihmë të turistit ka shkuar në kohë  mjeti lundrues i forcave "Delta" që ishte me shërbim në atë zonë dhe ka transportuar shtetasin E.U, 59 vjeç për në Porti e më pas me  autoambulancën e  spitalit të  Vlorës.

Turisti Italian E. U., pas ndihmës së parë mjekësore në spitalin e Vlorës, kaloi rrezikun për jetën dhe në këto momente  ndodhet  në gjendje të mirë shëndetësore.

 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...