Mbrëmja e 18 majit ka rikthyer në Vlorë atmosferën e munguar të mbrëmjeve verore. Hapja e lokaleve dhe muzika që vinte nga to i ka shtuar gjallërinë Lungomares.
Atmosfera është vlerësuar si mjaft pozitive si nga ana vizuale ashtu edhe ajo psikologjike. Por qytetarët, në ditën e parë të hapjes së lokaleve, kanë preferuara t’i shijojnë më shumë duke i parë sesa duke i frekuentuar.
Ndërkohë që për qytetarët situata vlerësohet si pozitive, nuk mendojnë të njëjtën gjë, pronarët e lokaleve, të cilët nga njëra anë vlerësojnë faktin që më në fund u rihapën, por nga ana tjetër apelojnë për një rishikim të paketave fiskale në ndihmë të tyre.
Duke shpresuar se gjërat do të shkojnë drejt normalizimit të plotë, pronarët e lokaleve nuk harrojnë të ftojnë vizitorë në qytetin e Vlorës.
