Vodhi byzylykun me diamante në Vlorë, procedohet penalisht italiania

Vlora

Vodhi byzylykun me diamante në Vlorë, procedohet penalisht italiania

Më: 16 mars 2022 Në ora: 11:39
Foto nga vendi i ngjarjes

Policia e Vlorës ka dhënë detaje për vjedhjen e një byzylyku me diamante gjatë ditës së djeshme. Shtetasja italiane e identifikuar si E.M., 46 vjeçe, banuese në Brindisi, Itali është proceduar penalisht pasi dyshohet si autore e vjedhjes së një bizhuterie, në një argjendari në lagjen “Pavarësia 3”.

Ajo ishte e shoqëruar me dy vajza të tjera, të cilat shpërqendruan shitëse teksa nga ana tjetër vidhej byzylyku.

Vlera e byzylykut me diamante ishte shumë e lartë dhe u zbulua vetëm pas ikjes së tyre nga dyqani. Pas vjedhjes, drejtuesit e dyqanit kërkuan ndihmë për të identifikuar tre vajzat që flisnin italisht.

Qytetarët arritën që t’i identifikonin dhe më pas u kapën duke ikur nga porti i Vlorës.

Policia i ka ndaluar menjëherë në terminal, ndërsa pas marrjes në pyetje, ato kanë deklaruar se kanë mbërritur disa ditë më parë në qytetin e Vlorës duke pranuar autorësinë e vjedhjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat