AKU godet në Vlorë, gjobë disa subjekteve dhe bllokim të produkteve ushqimore

Vlora

AKU godet në Vlorë, gjobë disa subjekteve dhe bllokim të produkteve ushqimore

Më: 12 nëntor 2022 Në ora: 12:40
AKU bën me dije se gjatë ushtrimit të kontrolleve është konstatuar tregtim i ushqimit të pasigurt,

Autoriteti Kombëtar i Ushqimit (AKU)  ka ndëshkuar 13 subjekte në Vlorë për tregtim të ushqimit të pasigurt.

Trupa inspektuese e Autoritetit Kombëtar të Ushqimit ka vijuar me kontrollet dhe monitorimet në subjekte që ushtrojnë aktivitetin e tregtimit të produkteve të mishit, mishit të pulës dhe të vezëve, në magazina frigoriferike, në supermarkete dhe fastfood-e.

AKU bën me dije se gjatë ushtrimit të kontrolleve është konstatuar tregtim i ushqimit të pasigurt, në mungesë gjurmueshmërie, etiketimi, kundëretiketë në gjuhën shqipe dhe vezë të vendosura në kuti pa vulë dhe logon përkatëse.

Për shkeljet e konstatuara, trupa inspektuese e AKU-së vendosi masa administrative me gjobë në vlerën 6.150.000 lekë, si dhe u krye bllokimi i sasisë prej 21.840 kokrra vezë dhe produkte sallamarie të pasigurta për konsum.

Autoriteti Kombëtar i Ushqimit është i pranishëm në terren në të gjithë vendin, për garantimin e ushqimit të sigurt për konsumatorin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat