Shoqata Nënë Tereza në Zvicër mbajti Kuvendin e rregullt vjetor

Zvicra

Shoqata Nënë Tereza në Zvicër mbajti Kuvendin e rregullt vjetor

Më: 22 qershor 2022 Në ora: 16:30
Shoqata Nënë Tereza në Zvicër mbajti Kuvendin e rregullt vjetor

Më datën 18.06.2022, Shoqata Nënë Tereza në Zvicër mbajti Kuvendin e rregullt vjetorë.

Në një ambient të përshtatshëm për raste të tilla, të pranishmit patën mundësi të informohen saktësisht për aktivitetet e shoqatës gjatë vitit të kaluar.

Raportin e punës vjetore të shoqatës e paraqiti kryetari aktual, z. Nue Zalli. Z. Zalli i informoi të pranishmit për punën dhe aktivitetin e shumanshëm të Shoqatës Nënë Tereza në Zvicër. Veçanërisht, kryetari nënvizoi rëndësinë e bashkpunimit shumë të afërt me institucionet tjera shtetërore dhe humanitare të konfederatës helvetike. Përpos në projektet e përfunduara me sukses, rezultat i madh është arritur edhe në përmbushjen e standardeve zvicerane për shoqatat humanitare, kështu që, e ardhmja për shoqatën tonë, e që dikur ishte sofra e atdheut të shumëvuajtur, paraqitet e ndritshme dhe e begatshme.

Në të njëjtën linjë me kryetarin, raportoi edhe arkatari aktual i Shoqatës, z. Fadil Haxhosaj, i cili elaboroi rezultatet e kontrollit shtetëror dhe njoftoi të pranishmit me raportin financiar të shoqatës.

Pyetjet e të pranishmëve rreth aktivitetit të shoqatës në vendlindje dhe vendet tjera ku kërkohet angazhimi i saj, i hapën rrugë një debati shumë konstruktiv, i cili u thellua dhe dha fryte edhe pas përfundimit të mbledhjes së kuvendit, e ku kryesia e shoqatës kishte përgatitur një darkë solemne për anëtarët dhe pjesmarrësit tjerë të këtij kuvendi. Në këtë kuvend, ashtu siç është bërë tashmë traditë në kuadër të këtij institucioni, me mirënjohje u vlerësuan veprimtarët e dalluar shumëvjeçar të kësaj shoqate, kësaj radhe z. Agim Alaj dhe z. Fadil Haxhosaj. Duke i falënderuar donatorët e shumtë, kuvendi i përfundoi punimet me një apel bashkimi e bashkpunimi drejtuar të gjithë shqiptarëve që jetojnë e punojnë në Zvicër.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat