Vdes në moshën 84-vjeçare ish-presidenti i Algjerisë

Afrika

Vdes në moshën 84-vjeçare ish-presidenti i Algjerisë

Më: 18 shtator 2021 Në ora: 08:14
Abdelaziz Bouteflika

Ish-presidenti i Algjerisë, Abdelaziz Bouteflika, ka vdekur në moshën 84 –vjeçare, pasi prej vitesh vuante nga një sëmundje.

Bouteflika udhëhoqi vendin për gati dy dekada, duke dhënë dorëheqjen në vitin 2019 pasi oferta e tij për një mandat të pestë në detyrë çoi në protesta masive në rrugë.

Ai luajti rol kyç në luftën e pavarësisë së Algjerisë në vitet 1950 dhe ‘60. Pastaj në 1999, ndërsa Algjeria doli nga një luftë brutale civile që vrau pothuajse 200,000 njerëz, ai u bë president me nxitjen e ushtrisë.

Bouteflika ishte parë rrallë në publik që nga një komplikacion shëndetësor në vitin 2013, që ndikoi në të folurit dhe lëvizshmërinë e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat