Puç ushtarak në shtetin me mbi 20 milionë banorë, reagon OKB-ja

Afrika

Puç ushtarak në shtetin me mbi 20 milionë banorë, reagon OKB-ja

Më: 25 janar 2022 Në ora: 09:01
Burkina Faso

Ushtria në Burkina Faso, shtet në Afrikën Perëndimore me mbi 20 milionë banorë, ka thënë se e ka marrë pushtetin dhe e ka rrëzuar Presidentin Roch Kabore.

Njoftimi u dha në televizionin shtetëror nga një oficer ushtarak, i cili e përmendi si arsye përkeqësimin e situatës së sigurisë për marrjen e pushtetit nga ushtria.

Presidenti Kabore ishte përballur me rritje të pakënaqësisë për dështimin e tij që të luftonte një kryengritje islamiste. Vendndodhja e tij nuk është e qartë, por oficeri ushtarak tha se të gjithë personat e ndaluar janë në vend të sigurt.

Më herët, partia që ishte në pushtet deri tash, Lëvizja Popullore për Progres, tha se Presidenti Kabore dhe një ministër i kanë mbijetuar vrasjes në tentativë, shkruan BBC.

Në deklaratën e ushtrisë thuhet se Kabore ka dështuar që ta bashkojë kombin dhe të merren në mënyrë efektive me krizën e sigurisë, e cila “i kërcënon themelet e kombit tonë”.

Aty shtohet se qeveria dhe kuvendi janë shpërndarë dhe se kushtetuta është pezulluar, por u premtua “kthimi në rend kushtetuar brenda një kohe të arsyeshme”.

Ushtria gjithashtu njoftoi për mbylljen e kufijve të Burkina Faso-s.

Sekretari i përgjithshëm i Kombeve të Bashkuara, Antonio Guterres, e dënoi puçin dhe i bëri thirrje ushtrisë që “ta sigurojë mbrojtjen dhe integritetin fizik” të ish-presidentit Kabore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat