Anija më e madhe spital-civil, bën ndalesën e parë në lundrimin debutues në Afrikë

Afrika

Anija më e madhe spital-civil, bën ndalesën e parë në lundrimin debutues në Afrikë

Më: 31 maj 2022 Në ora: 19:46
Anija më e madhe spital-civil

Anija-spital më e madhe në botë ‘Global Mercy’, ka bërë ndalesën e parë afrikane në portin e Dakar në Senegal, ku do të qëndrojë katër javë për trajnime të vendasve.

Anija gjigante 174 metra e gjatë me 12 kuverta do të qëndrojë në kryeqytetin senegalez deri në fund të qershorit për të kuruar më të varfrit.

Drejtori i spitali Gert van de Veerdhof, tha se kishte ardhur koha që anija-spital të bënte debutimin e saj në Afrikë.

“Me gjatësinë e saj 174 metra, 6 salla operimi, 200 krevate spitalore, 2 klinika dentare e laboratorë trajnimi, ky është një spital i fjalës së fundit”, ha ai.

Presidenti i Senegalit Macky Sall, falenderonte zyrtarët e anijes-spital për shërbimet që do të japin për qytetarët senegalezë dhe për trajnimet e stafit mjekesor vendas.

“Dua të falenderoj Don Stephens dhe stafin e Mercy Ships, për promovimin e kirurgjisë së sigurt në Afrikë, njohje që ata e kanë prej viteve 1990”, tha presidenti.

Iniciativa është krijuar nga milioneri futurist Don Stephens, cili themeloi ‘Mercy Ships’ në vitin 1978 me blerjen e anijes Anastasis, ku jetoi bashkë me familjen për dhjetë vjet.

Matar, babai i një pacienti të trajtuar në anijen spital tha se i biri ishte operuar aty nga mjekët që u treguan të gatshëm për ta kuruar.

“Kur dëgjova që Mercy Ships po vinte në Dakar, vendosa të sjell djalin tim që vuante nga një sëmundje e çuditshme.”

“Ata më premtuan se do ta kuronin ose do ta merrnin jashtë shteti nëse ishte e nevojshme, por siç e shihni çdo gjë shkoi mirë”, tha ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat