Të paktën 20 persona janë gjetur të vdekur në një klub nate në Afrikën e Jugut

Afrika

Të paktën 20 persona janë gjetur të vdekur në një klub nate në Afrikën e Jugut

Më: 26 qershor 2022 Në ora: 17:37
Foto ilustrim

Shtatëmbëdhjetë të rinj u gjetën të vdekur në një klub nate në një qytet në Afrikën e Jugut, ndërsa tre të tjerë kanë humbur jetën më vonë në spital, thonë zyrtarët.

Autoritetet po përpiqen të përcaktojnë shkakun e vdekjes pasi asnjë nga trupat nuk kishte shenja lëndimi.

“Ne morëm një raport për 17 persona që vdiqën në një tavernë lokale në Scenery Park”, tha Brig Thembinkosi Kinana, zëdhënës i policisë në provincën e Kepit Lindor.

“Ne jemi ende duke hetuar rrethanat e incidentit”, tha ai për AFP.

Më vonë të dielën, kreu i departamentit të sigurisë së qeverisë provinciale Ëeziëe Tikana-Gxothiëe tha se numri i të vdekurve ishte rritur në 20.

“Numri është rritur në 20, tre persona kanë vdekur në spital, ndërsa dy të tjerë janë në gjendje kritike”, thanë autoritetet.

Unathi Binqose, një zyrtar në departamentin provincial të komunitetit dhe sigurisë, tha se nuk kishte asnjë tregues se vdekjet janë shkaktuar si pasojë e një rrëmuje.

Gazeta rajonale DispatchLive raportoi se trupat u gjetën “të shtrirë nëpër tavolina, karrige dhe në dysheme; pa shenja të dukshme lëndimi”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat