E vulos deputeti i VV-së: Nuk e kam në plan që të largohem nga partia

Aktuale

E vulos deputeti i VV-së: Nuk e kam në plan që të largohem nga partia

Më: 30 shtator 2022 Në ora: 00:18
Albin Kurti, Eman Rrahmani

Deputeti i Lëvizjes Vetëvendosje, Eman Rrahmani ka thënë se nuk e ka në plan që të largohet nga kjo parti.

Rrahmani tha se mandatin e deputetit do ta përfundojë si pjesë e Vetëvendosjes.

“Nuk besoj që do të ketë të paktën me aq sa kam parë dhe diskutimet që i kemi mes vete si kolegë deputetë, nuk është që kam parë indikacione që dikush mund të largohet. Po flas personalisht që as nuk e kam plan ta bëjë një gjë të tillë, për shkak se votuesit që më kanë votuar, unë kam garuar në petkun e LVV-së dhe mandati im do të përfundojë në LVV”, deklaroi ai.

Po ashtu, Rrahmani thotë se pas përfundimit të mandatit do të vlerësojë punën e tij dhe do ta shoh se a do të vazhdojë edhe më tej.

“Do të mundohen deri në fund të mandatit të jap kontributin tim maksimal që të ketë një qeverisje dhe një punë në Kuvend, i cili do të jetë i dobishëm për vendin dhe natyrisht pas përfundimit të mandatit do ta vlerësojë punën time se a kam qenë i dobishëm dhe a duhet të vazhdojë”, tha ai.

Dyshimet për largimin e Rrahmanit nga Vetëvendosja janë ngritur pas shpërfaqjes së dallimeve në qëndrime për disa çështje me partinë e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat