Ndizen dritat e pemës së Krishtlindjes në Shtëpinë e Bardhë

Amerika

Ndizen dritat e pemës së Krishtlindjes në Shtëpinë e Bardhë

Më: 3 dhjetor 2021 Në ora: 19:52
Zbukurimet në Shtëpinë e Bardhë

Sezoni i Krishtlindjes ka hyrë zyrtarisht edhe në Shtëpinë e Bardhë. Presidenti amerikan Joe Biden dhe bashkëshortja e tij Xhill drejtuan ceremoninë e ndezjes së dritave të pemës simbol që është ngritur në oborrin e rezidencës presidenciale.

Shefi i Shtëpisë së Bardhë tha se pema është një simbol kujtese se edhe ky dimër i ftohtë dhe i errët do të kalojë dhe se begatia e jeta do të rikthehen në këtë vend, duke iu referuar vështirësive me të cilat përballet i gjithë globi prej krizës së pandemisë. Në ceremoni, mes qindra të ftuarve ishte edhe Sekretari i Transportit Pit Batixhixh, me partnerin dhe foshnjen e tyre.

50 mijë drita shumëngjyrëshe dhe mbi 3 milionë copa kristali bënë të shkëlqejë edhe pema e famshme e Krishtlindjes në qendrën Rokfeller në Manhatan, simbol i nisjes së sezonit festiv në New York.

Pema 24 metra e lartë, me peshë 12 tonëshe shënon përvjetorin e 89-të të kësaj ceremonie në qendrën Rokfeller, që dy vitet e fundit është zhvilluar me pjesëmarrje të kufizuar për shkak të pandmisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat