Një burrë u arrestua në SHBA pasi u zbulua se ai po shiste pjesë të trupit të njeriut në Facebook, sipas policisë.
Kur policia mori ankesa për pjesë të mundshme të trupit të njeriut që shiteshin nga një shtëpi në Cumberland County, Pennsylvania, ata nisën menjëherë një hetim.
Kjo bëri që ata të kontrollonin shtëpinë e Jeremy Pauley në korrik, dhe ajo që gjetën atje është si një skenë nga një film horror: një koleksion të gjerë të mbetjeve njerëzore duke përfshirë tre skelete të plota, rreth 15-20 kafka njerëzore dhe kova që përmbanin 15 galon organesh.
Në dokumentet e gjykatës besohet se Pauley kishte blerë pjesët e trupit nga Facebook nga një grua në Arkansas.
FBI gjatë hetimeve zbuloi se këto mbetje dyshohet se ishin vjedhur nga një morg.
Sipas policisë, Pauley pranoi se kishte bërë dy porosi të pjesëve të trupit, duke u thënë autoriteteve se ai ishte një koleksionist i 'çudive' dhe se ai i kishte blerë ato përmes rrugëve ligjore.
Megjithatë, mbetjet dyshohet se më pas po shiteshin nga Pauley për përfitime monetare.
Pauley u arrestua dhe u akuzua për abuzim me kufoma, marrjen e pronës së vjedhur dhe shitjen e të ardhurave nga aktivitetet e paligjshme. Ai u lirua më 18 gusht me një garanci prej 50.000 dollarësh.
“Ky është një nga hetimet më të çuditshme në tridhjetë e tri vjetët e mia si prokuror. Pikërisht kur mendoj se i kam parë të gjitha, vjen një rast si ky,” tha prokurori i Qarkut Cumberland, Seán McCormack.
Pauley është planifikuar të paraqitet në gjykatë më 14 shtator, sipas mediave amerikane.
