India për 24 orë regjistron 131 mijë të infektuar me koronavirus

Azia

India për 24 orë regjistron 131 mijë të infektuar me koronavirus

Më: 9 prill 2021 Në ora: 20:27
Indi

India ka raportuar të premten shifër enorme të të infektuarve me koronavirus, në kohën kur vendi po përballet me dështim në procesin e vaksinimit.

Gjatë 24 orëve të fundit, shteti me popullsinë e dytë më të madhe në botë ka konfirmuar mbi 131 mijë të infektuar të rinj dhe 780 të vdekur – shifër kjo më e lartë që prej tetorit të vitit 2020.

Numri i përgjithshëm i rasteve në Indi të premtes ka shkuar në 13 milionë. Disa shtete indiane kanë zgjeruar masat e izolimit për ta vënë nën kontroll përhapjen e madhe të koronavirusit.

Kthimi i punëtorëve migrues me trenat e stërmbushur ka ngritur rrezikun e përhapjes së virusit edhe në qytetet më të vogla.

Për ngritjen e jashtëzakonshme të rasteve Qeveria ka fajësuar mosrespektimin e masës së distancës fizike dhe mosbartjen e maskave, kur gradualisht i liroi masat gjatë vitit të kaluar.

Sot mund të lexoni Shfletoni kopertinat