Koalicioni izraelit do të paraqesë projektligjin për shpërndarjen e parlamentit

Azia

Koalicioni izraelit do të paraqesë projektligjin për shpërndarjen e parlamentit

Më: 20 qershor 2022 Në ora: 19:26
Koalicioni izraelit

Udhëheqësit e koalicionit qeverisës të Izraelit, kanë thënë se do të paraqesin një projektligj për shpërndarjen e parlamentit.

“Pasi shteruan të gjitha përpjekjet për të stabilizuar koalicionin, kryeministri Naftali Bennett dhe ministri i Jashtëm Yair Lapid, kanë vendosur të paraqesin një projektligj për shpërndarjen e parlamentit javën e ardhshme”, thanë dy partnerët kryesorë të koalicionit në një deklaratë të hënën.

Ata thanë gjithashtu se nëse projektligji miratohet, Lapid do të marrë detyrën si kryeministër i një qeverie të përkohshme.

Zgjedhjet do të ishin të pestat në Izrael në tre vjet. E përditshmja izraelite Haaretz raportoi se zgjedhjet do të mbaheshin më 25 tetor.

Lapid dhe Bennett, në qershor 2021, kishin krijuar një koalicion të pamundur pas dy vitesh ngërç politik, duke i dhënë fund mbretërimit rekord të ish-kryeministrit Benjamin Netanyahu.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat