Tragjike/ Rrëshqitje dheu në Indi, dhjetëra të vdekur dhe të zhdukur

Azia

Tragjike/ Rrëshqitje dheu në Indi, dhjetëra të vdekur dhe të zhdukur

Më: 4 korrik 2022 Në ora: 14:30
Foto nga vendi i ngjarjes

Një katastrofë natyrore ka shkaktuar tragjedi në Manipur të Indisë, ku një masiv dheu ka rrëshqitur duke shkaktuar 42 të vdekur dhe 20 të zhdukur.

Ekipet e shpëtimit po vijojnë punën për gjetjen e trupave të zhdukurve, të cilët ndodheshin në një kantier ndërtimi hekurudhor.

Viktimat ishin kryesisht punëtorë dhe anëtarë të një force vullnetare të Ushtrisë Indiane, ndërsa autoritetet kanë deklaruar se shirat e dendur e kanë bërë të vështirë kërkimin.

Shirat e musonit kanë shkaktuar përmbytje të rënda në shtetet verilindore të Indisë, veçanërisht në Assam, Manipur, Meghalaya dhe Tripura.

Ndikimi ka qenë veçanërisht i rëndë në Assam, ku më shumë se 150 njerëz kanë vdekur nga përmbytjet dhe rrëshqitjet e dheut dhe miliona janë zhvendosur.

Qytetarët vendas i thanë BBC-së se kampi i punëtorëve përfshinte një numër punëtorësh nga shtete të tjera, emrat e të cilëve nuk diheshin dhe dokumentet e të cilëve nuk ishin në dispozicion.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat