Ka ndërruar jetë në moshën 96-vjeçare ish-udhëheqësi i Kinës Jiang Zemin, i cili erdhi në pushtet pas protestave në Sheshin Tiananmen. Në një deklaratë të Partisë Komuniste Kineze, bëhet me dije se Jiang Zemin ndërroi jetë si pasojë e leuçemisë.
Vdekja e tij vjen në një moment kur Kina po përballet me disa nga protestat e saj më serioze që nga Tiananmen, kundër kufizimeve të Covid. Jiang erdhi në pushtet pas goditjes së përgjakshme të vitit 1989 ndaj protestuesve në dhe rreth sheshit Tiananmen të Pekinit, gjë që çoi në izolimin ndërkombëtar të Kinës. Ngjarja ndezi një luftë të ashpër për pushtet në krye të Partisë Komuniste midis reaksionarëve të linjës së ashpër dhe reformatorëve.
Kjo bëri që Jiang, i cili fillimisht ishte parë si një burokrat i plogësht, të ngrihej në poste të larta. Nën drejtimin e tij, u krijua një ekonomi e frikshme, komunistët shtrënguan kontrollin e tyre mbi pushtetin dhe Kina zuri vendin e saj në tryezën e lartë të fuqive botërore.
Ai mbikëqyri dorëzimin paqësor të Hong Kongut në 1997 dhe hyrjen e Kinës në Organizatën Botërore të Tregtisë në 2001, e cila ndërthuri vendin me ekonominë globale. Por reformat politike u vunë gjithashtu në një anë dhe ai shtypi mospajtimin e brendshëm ndërsa ndoqi një qëndrim të ashpër ndaj Tajvanit. Ai u kritikua për shtypjen e ashpër të sektit fetar Falun Gong në 1999, i cili u pa si një kërcënim për Partinë Komuniste.
