Koreja e Veriut lëshoi raketa lundrimi në drejtim të Detit Lindor, i njohur gjithashtu si Deti i Japonisë, tha Shtabi i Përgjithshëm i Mbrojtjes Kombëtare të Koresë së Jugut, në testin e tij të pestë radhazi të armëve këtë vit.
“Forcat e armatosura zbuluan lëshimin e raketave të tipit të panjohur drejt ujërave në verilindje të ëanshan rreth orës 09:00 dhe shërbimet e inteligjencës të Koresë së Jugut dhe SHBA po kryejnë analiza të detajuara”, shpjegoi stafi në një deklaratë.
Më herët, Pheniani njoftoi se kishte testuar një sistem të ri të kontrollit të zjarrit të raketave të shumta, për të cilin tha se rrit aftësitë mbrojtëse.
Në fillim të këtij viti, Koreja e Veriut e armatosur me armë bërthamore e shpalli Korenë e Jugut “armikun e saj më të madh”, mbylli organizatat e dedikuara për ribashkimin dhe kontaktet me Seulin dhe kërcënoi se do të shpallte luftë nëse fqinji guxonte të shkelte sovranitetin e saj territorial.
