​Përplas veturën në stacionin e autobusëve në Izrael, 7 të plagosur

Azia

​Përplas veturën në stacionin e autobusëve në Izrael, 7 të plagosur

Më: 24 korrik 2025 Në ora: 11:01
Foto ilustrim

Një autor i panjohur përplasi veturën e tij në një stacion autobusësh në qytetin izraelit Beit Lido, duke plagosur shtatë persona, raporton i24 News.

Sipas shërbimit të urgjencës Magen David Adom (MDA), dy persona u plagosën rëndë dhe pesë u plagosën lehtë. Të gjithë u dërguan në spitalet aty pranë për trajtim të mëtejshëm, transmeton KosovaPress.

Shoferi iku nga vendi i ngjarjes, duke bërë që forcat e sigurisë të nisin një kërkim. Janë ngritur pika kontrolli në zonat përreth ndërsa autoritetet kërkojnë të dyshuarin.

Tekniku i urgjencës mjekësore i MDA-së, Idan Haras, e përshkroi skenën si kaotike: "Pati një turmë dhe shkatërrim. Ne trajtuam dy të rinj me gjakderdhje të moderuar dhe lëndime të tjera, dhe disa të tjerë të plagosur lehtë, të cilët i transportuam shpejt në spital."

comment Për komente lëvizni më poshtë
Sot mund të lexoni Shfletoni kopertinat