Më shumë se një duzinë personash janë plagosur pas sulmeve të fundit izraelite në territorin e Iranit, sipas organizatës së shërbimeve mjekësore emergjente të vendit.
Agjencia shtetërore iraniane e lajmeve Mehr raportoi se 15 persona kanë mbetur të plagosur, ndërsa shefi i organizatës, Jafar Miadfar, sqaroi se 14 prej tyre ndodheshin në lagjen qendrore të Mahshahr dhe një tjetër në Teheran.
Sipas autoriteteve shëndetësore, deri më tani nuk raportohet për viktima, ndërsa vetëm një person vijon të marrë trajtim në spital.
Ngjarjet vijnë në një moment të ri përshkallëzimi mes Iranit dhe Izraelit, të cilat kanë shkëmbyer sulme ajrore për herë të parë që nga arritja e një armëpushimi në prill.
Në këtë kontekst, presidenti amerikan Donald Trump ka bërë thirrje për ndalimin e menjëhershëm të luftimeve, duke deklaruar në platformën “Truth Social” se të dyja palët po “kërkojnë të bëjnë një armëpushim të menjëhershëm”.
Zhvillimet e fundit kanë rritur shqetësimet ndërkombëtare për një përshkallëzim të mëtejshëm të konfliktit në Lindjen e Mesme.
