​Duke kërkuar prindërit e saj biologjikë, mëson se babai i saj ishte një vrasës brutal në arrati

Bota

​Duke kërkuar prindërit e saj biologjikë, mëson se babai i saj ishte një vrasës brutal në arrati

Më: 9 mars 2021 Në ora: 23:42
Kathy Gillcrist

Duke kërkuar prindërit e saj biologjikë, mëson se babai i saj ishte një vrasës brutal në arrati

Kathy Gillcrist e dinte që ajo ishte birësuar, por ajo nuk e kishte idenë se kërkimi për prindërit e saj biologjikë do ta çonte atë në listën e kriminelëve më të kërkuar të FBI-së.

Në vitin 2017, 63-vjeçarja Kathy vendosi të bënte një test të ADN-së në shtëpi dhe të kërkonte të afërmit e saj. Kërkimet e çuan te kushëriri Suan Gillmor, i cili vendosi ta ndihmonte të gjente prindërit e saj biologjikë.

Nëna biologjike e Kathy, e cila e dha atë për birësim në vitin 1957, u gjet relativisht shpejt, por ishte më e vështirë që të arrinin babanë e tyre, raporton CNN. Megjithatë, pas disa vitesh hulumtimi, ata gjetën emrin e tij.

Ishte William Bradford Bishop Junior, dhe ata zbuluan se ai ishte një i arratisur nga ligji, i cili ka qenë në listën e kriminelëve më të kërkuar të FBI që nga viti 2014 dhe ka qenë në arrati që nga viti 1976.

FBI po kërkon Bishop për vrasjen e nënës së tij 68-vjeçare, gruas 37-vjeçare dhe tre djemve të tyre, të moshës 5, 10 dhe 14-vjeç, nga 1976. Ai vuri trupat e tyre në një varr të cekët dhe i dogji. Në atë kohë ai ishte 37-vjeç.

Kathy, e cila ka shkruar një libër për përvojën e saj të quajtur “It's in My Genes”, beson se babai i saj biologjik është gjallë dhe mirë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat