Ministria e Diasporës dhe Investimeve Strategjike, ka bërë thirrje për regjistrimin e fëmijëve në mësim plotësues në diasporë.
Ministria e Diasporës dhe Investimeve Strategjike ka kërkuar nga prindërit që jetojnë në diasporë që t’i dërgojnë fëmijët e tyre në mësim plotësues dhe në shkolla shqipe në vendet ku jetoni.
Me moton “Mëso shqip!”, MDIS-i ka filluar fushatën që ka për qëllim nxitjen e prindërve për dërgimin e fëmijëve në mësimin plotësues të gjuhës shqipe në diasporë.
Përmes kësaj fushate, MDIS-i synon t’i informojë bashkatdhetarët/prindërit për:
– rëndësinë e mësimit plotësues dhe të shkollave shqipe në diasporë;
– ngritjen e vetëdijes së prindërve për t`i dërguar fëmijët e tyre në mësimin plotësues të gjuhës shqipe në vendet ku jetojnë;
– përfitimet e shkollave shqipe nga programet mësimore që i ofrojnë institucionet shtetërore, përkatësisht MDIS-i dhe MASHT-i;
– format e organizimit të mësimit plotësues në diasporë;
– shtetet në të cilat organizohet ky mësim etj…
Numri i nxënësve që ndjekin mësimin plotësues të gjuhës shqipe në diasporë është rreth 25 mijë, ndërsa në mësimin plotësues janë të angazhuar mbi 600 mësues.
Mësimi plotësues i gjuhës shqipe zhvillohet në këto shtete:
Suedi, Austri, Gjermani, Zvicër, Finlandë, Itali, Mbretëri e Bashkuar, Belgjikë, Greqi, Kroaci, Danimarkë, Norvegji, Turqi, Slloveni, Francë, SHBA, Kanada, Australi dhe Zelande e Re.
Për më shumë informata, ju lutem klikoni në linkun:
http://https://mdis.rks-gov.net/meso-shqip/
