Një ngjarje e rëndë ka ndodhur në Malnate në provincën e Vareses në Itali, ku një 48 vjeçar shqiptar ka goditur fillimisht me pistoletë dhe më pas me thikë gruan e tij 40 vjeçare.
Çifti ndodhej në makinë kur ndodhi ngjarja, ndërsa sipas hetimeve paraprake dyshohet se sherri ka ardhur për arsye xhelozie.
Në fillim burri qëlloi me pistoletë gruan, e cila doli nga makina për të kërkuar ndihmë, por 48 vjeçari e ndoqi dhe e qëlloi me thikë.
Fatmirësisht plagët e marra nuk kanë qenë fatale për 40 vjeçaren, e cila ndodhet në spital nën kujdesin e mjekëve.
Ndërkohë burri është arrestuar nga policia, ndërsa efektivët po përpiqen të rindërtojnë skenën nga dëshmitë e marra për të zbardhur ngjarjen.
