Shënohet rritje e çmimeve në tetor

Ekonomi

Shënohet rritje e çmimeve në tetor

Më: 11 nëntor 2021 Në ora: 12:14
Foto ilustrim

Inflacioni mujor i matur nga indeksi i harmonizuar i çmimeve të konsumit ishte 1 për qind në tetor 2021, krahasuar me shtatorin 2021, ka bërë të ditur Agjencia e Statistikave të Kosovës (ASK) në raportin e saj më të ri të çmimeve të konsumit për muajin tetor.

Kjo vjen si rezultat i ngritjes së çmimeve të konsumit te nëngrupet e COICOP-it: bukë dhe drithëra (3.9%); mish (0.4%); qumësht, djathë dhe vezë (1.7%); vajra dhe yndyra ushqimore (2.9%); sheqer, reçel, mjaltë, çokollatë dhe ëmbëlsira (2.1%); kafe, çaj dhe kakao (3.0%); gaz (5.1%); lëndë djegëse të ngurta, dru zjarri, pelet etj. (5.8%); blerje e automjeteve (3.2%); karburante dhe lubrifikantë për pajisjet e transportit personal (6.2%), me një ndikim të përbashkët të këtyre nëngrupeve prej 1.3 për qind në IHÇK.

Ndërsa, rënie e çmimeve vërehet te pemë minus 8.9%, perime minus 2.2%, me një ndikim të përbashkët prej minus 0.3 për qind në IHÇK.

Norma vjetore e inflacionit e matur në muajin tetor 2021 me muajin tetor 2020 ishte më e lartë për 5.7%, për shkak të ngritjes së çmimeve të konsumit te nëngrupet e COICOP-it: bukë dhe drithëra (5.7%); mish (2.4%); qumësht, djathë dhe vezë (6.2%); vajra dhe yndyra ushqimore (27.9%); perime (8.8%) etj., me një ndikim të përbashkët të këtyre nëngrupeve prej 5.8 për qind në IHÇK.

Ndërsa, rënie e çmimeve vërehet te nëngrupet e COICOP-it: pemë minus 2.2% dhe veshje minus 2.0%, me një ndikim të përbashkët të këtyre nëngrupeve prej minus 0.1 për qind në IHÇK.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat