Ministri Hasani i gëzon prodhuesit vendor me këtë deklaratë - Bota Sot
Ministri Hasani i gëzon prodhuesit vendor me këtë deklaratë

Ekonomi

Ministri Hasani i gëzon prodhuesit vendor me këtë deklaratë

Më: 20 shkurt 2018 Në ora: 21:33
Bajram Hasani

Ministri i Tregtisë dhe Industrisë, Bajram Hasani ka paralajmëruar se ministria të cilën ai e drejton është duke menduar marrjen e një serë vendimesh të cilat kanë për qëllim mbrojtjen e prodhuesit vendor.

Ministri Hasani ka thënë se po punojnë shumë që të hartojnë ligje të cilat e mbrojnë prodhuesin vendor, sepse vetëm në këtë formë sipas tij, hapen vende të reja të punës.

Më tutje, Hasani ka thënë se krah të fortë në marrjen e vendimeve për prodhuesit vendor e ka edhe zëvendëskryeministrin, Fatmir Limaj.

“Kemi pasur punë intensive, kemi ndërhyre në legjislacion duke ia përshtatur me politika të qeverisë., Fokus të veçante i kemi dhënë bizneseve vendore. Ne po punojmë shumë që të bëjmë ligja të cilat e mbrojnë prodhuesin dhe duke e mbrojtur prodhuesin atëherë hapen vende pune. Pa prodhim nuk krijohen vende të reja të punës.

Limajn e kam krah të fuqishëm në mbrojtje të prodhimeve vendore. Kemi marrë një serë vendimesh ku lirohen nga akcizat linjat e prodhimit, pra makineritë prodhuese janë të liruara nga akciza dhe dogana”, ka thënë Hasani në Tribuna.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test