Sektori i minierave në fokus të investitorëve kanadezë - Bota Sot
Sektori i minierave në fokus të investitorëve kanadezë

Ekonomi

E mërkurë, 21 nëntor 2018

Sektori i minierave në fokus të investitorëve kanadezë

Më: 18 tetor 2018 Në ora: 13:47
Valdrin Lluka dhe Daniel Maksymiuk

Ministri i Zhvillimit Ekonomik, Valdrin Lluka, priti në takim ambasadorin e Kanadasë jo-rezident në Kosovë, Daniel Maksymiuk, me të cilin diskutuan për zhvillimet në vend, si energjia, teknologjia e informacionit, por me theks të veçantë për sektorin minerar.

Me këtë rast ministri Lluka e njoftoi ambasadorin për zhvillimet e fundit për Trepçën, si krijimi i bordit, finalizimi i statutit si dhe studimi i fizibilitetit i cili është duke u zbatuar.

“Që nga takimi jonë i fundit janë bërë zhvillime pozitive për sa i përket ndërmarrjes së Trepçës, është krijuar bordi, është finalizuar statuti dhe studimi i fizibilitetit është duke u zbatuar. Pasi të finalizohet gjithçka në Trepçë do të donim të shihnim më shumë kompani kanadeze në të”, tha ai.

Gjatë këtij takimi u diskutua edhe për mundësitë e investimeve kanadezë në sektorin e Teknologjisë Informative dhe Komunikuese, po ashtu edhe në sistemin e ujitjes, ku kreu i MZHE-së tha se mirëpret investimet kanadeze në këta sektor të rëndësishëm për zhvillimin ekonomik të vendit.

Ambasadori kanadez Daniel Maksymiuk tha se është i kënaqur që ka përparime në sektorin minerar dhe tha se investitorët kanadezë do të fokusohen edhe në sektorë të tjerë.

“Ne jemi të gëzuar për këto zhvillime pozitive të cilat kanë ndodhur gjatë kësaj kohe, sidomos në atë minerar. Ky do të jetë një lajm shumë i mirë për investitorët kanadezë. Ne duam ta zhvillojmë edhe më tej bashkëpunimin dhe t’i shohim mundësitë e sjelljes së investitorëve potencialë në Kosovë përmes agjencive kanadeze të eksportit”, u shpreh ai.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test