​Britani: Ambasadori i Kinës thirret për intervistë për shkak të arrestimit të gazetarit të BBC

Evropë

​Britani: Ambasadori i Kinës thirret për intervistë për shkak të arrestimit të gazetarit të BBC

Më: 29 nëntor 2022 Në ora: 12:19
Britani

Ministria e Jashtme e Britanisë së Madhe ka ftuar për intervistë ambasadorin kinez në Londër për shkak të sulmit nga policia kineze ndaj një korrespondenti të BBC-së që po raportonte nga protestat në Shangai, raporton sot e përditshmja londineze Evening Standard, por për momentin nuk ka asnjë konfirmim nga ministria britanike.

Në ditët e fundit, demonstruesit në disa qytete anembanë Kinës kanë protestuar kundër masave të rrepta antiCOVID, duke demonstruar mosbindje civile që është e paprecedentë që kur presidenti Xi Jinping ka qenë në krye të vendit.

BBC raportoi më parë se korrespondenti i tyre Ed Lawrence u rrah dhe u mbajt në pranga ndërsa "mbulonte" protestat në Shangai.

“Ai u ndalua për disa orë para se të lirohej. Gjatë arrestimit, policia e ka rrahur dhe shkelmuar edhe pse ishte në detyrë si gazetar i akredituar”, thuhet në raportin e BBC.

Ministria e Punëve të Jashtme kineze i kundërshtoi këto pretendime dhe njoftoi se gazetari nuk e identifikoi veten si reporter.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat