Hamilton do të jetë me Mercedes edhe përtej moshës 40-vjeçare

Formula 1

Hamilton do të jetë me Mercedes edhe përtej moshës 40-vjeçare

Më: 4 tetor 2022 Në ora: 12:17
Hamilton do të jetë me Mercedes edhe përtej moshës 40-vjeçare

Sezoni 2022 nuk ka qenë ai që pritej për Mercedes, që prej kohësh po sheh për vitin e ardhshëm. Makina gjermane synon të rikthehet kompetitive edhe për faktin se viti 2023 është i fundit nën kontratë me Lewis Hamilton. Pa një makinë të shpejtë, vështirë se britaniku do të rinovojë kontratën me Mercedes.

Gjithsesi, shefi i Mercedes, Toto Wolff, është i sigurt se piloti britanik do të qëndrojë edhe pasi të skadojë kontrata aktuale. Madje, ai shton se Hamilton mund të garojë dhe të jetë kompetitiv edhe përtej moshës 40-vjeçare. “Jam i sigurt se herët a vonë do të ulemi në një tryezë e do të diskutojmë për kontratën e re”, tha Wolff.

“Ne jemi rritur së bashku, ne si skuadër dhe ai si pilot, ndaj jemi transparentë. Lewis do të jetë i pari që do të na thotë se “nuk ia dal dot më dhe nuk argëtohem më si dikur”.

Ai është një personalitet në formula 1 dhe mendoj se me talentin që ka mund të garojë përtej moshës 40-vjeçare, duke qëndruar sërish me ne”, tha Wolff.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat