Dy ditë para pensionimit, infermierja nga Gjakova humb betejën me coronavirusin

Gjakova

Dy ditë para pensionimit, infermierja nga Gjakova humb betejën me coronavirusin

Më: 1 dhjetor 2020 Në ora: 20:28
Drejtori i Spitalit Rajonal të Gjakovës, Hilmi Shala

Sot Spitali i Gjakovës ka humbur një infermiere si pasojë e infektimit me coronavirus.

Drejtori i këtij spitali, Hilmi Shala thotë se tashmë e ndjera ka punuar vazhdimisht deri në ditën kur është infektuar me COVID-19.

“Edhe pse në moshë të shtyrë, ajo ka punuar deri në ditën e fundit. Edhe dy ditë do të delte në pension. Prej dhjetë ditësh ishte e hospitalizuar. Mjekët bënë të pamundurën por nuk ja dolën”, tha ai.

Shala thotë se që nga fillimi i pandemisë në Gjakovë kanë humbur jetën katër personal shëndetësorë.

Drejtori i Spitalit të Gjakovës thotë se momentalisht në këtë institucion shëndetësorë janë të hospitalizuar 105 pacientë.

“Kapacitetet janë duke u mbushur çdo ditë e më shumë. Jemi duke bërë të pamundurën që çdo pacienti t’iu dalim në ndihmë”, tha ndër të tjera Hilmi Shala.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat